184 TESTAMENTS ENREGISTRÉS AU PARLEMENT DE PABIS (424)

mis et employez en la chose, à bon avis et deliberacion de mes dis executeurs.

Et pour cest present mien testament faire et accomplir en la maniere que dit est, je fais et ordene mes executeurs mes amez et feaulx, la dicte Jehanne, ma femme, Compaigne et amie, principale et. premiere, ma sereur, Marguerite de Trye, dame du Boullai, mon frere, messire Jaques de Trye, frere Eustace le Grant, mon confesseur dessusnommé, et Guillaume de Doumesnil, escuier; auxquels et à chascun d'eulx portant ces lettres je donne plain povoir, auctorité et mandement especial de paier, faire, entériner et acomplir ce present testament, et les choses avant dictes distribuer, ainsi que dit est, jusques à la dicte somme de mil frans complete employée, pourveu que s'il y a résidu après les dis laix paiez, que le demourant soit donné pour Dieu aux povres, ou converti en messes, ou ainsi ordene, comme ilz verront que il sera bon du faire. Et pour ycelle somme de mil frans avoir, je oblige et met es mains de mes dis executeurs tous mes biens meubles, pour les avoir, prendre et vendre, se mestier est. Et ou cas que la dicte somme de mil frans ne pourroit souffire pour.ces choses entériner et mes debtes paier, je vueil et ordene que l'en ait recours à mes conquests, lesquelx, quant à ce, je oblige et habandonne pour estre prins et vend-us par mes dis executeurs, pourveu que [de] toutes les choses»avant dictes mes dis executeurs, ne l'un d'eulx, ne pourront riens faire sans la presence ou consentement de la'dicte Jehanne, ma femme. Et à eulx tous je supplie et requier que de Teiecucion et entérinement de ce present testament ilz se vueillent Chargier et ycellui parfaire, entériner et acomplir.

Et en confirmacion des choses avant dictes, en la presence du dit tabellion, le dit messire Regnault revoca et par ces presentes revocque tous autres testamens par lui fais au devant de cestui, en voulant et requerant que cestui present ait son effect sans rappel, et que par ses dis executeurs, ou l'un d'eulx, il soit presenté à la court et jurisdicion du roy nostre dit seigneur. En laquelle jurisdicion icellui messire Regnault le a soubzmis et soubzmet, pour estre publié et approuvé par